പാലക്കാട് കോട്ടായില് മൂന്ന് വയസുള്ള കുഞ്ഞുമായി ആത്മഹത്യക്ക് ശ്രമിച്ച യുവതി മരിച്ചു. കരിയംകോട് മേക്കോണ് സുരേഷിന്റെ ഭാര്യ വിൻസി (37) ആണ് മരിച്ചത്.
മകള് തൃശൂര് മെഡിക്കല് കോളജ് ആശുപത്രിയില് ചികിത്സയിലാണ്. പത്തുദിവസം മുന്പാണ് ഭര്തൃവീട്ടില് വച്ച് ബിന്സി ജീവനൊടുക്കാൻ ശ്രമിച്ചത്. ഭര്ത്താവ് സുരേഷ് പുറത്തുപോയ സമയത്തായിരുന്നു ഇത്. വൈകിട്ട് ഭര്ത്താവ് വീട്ടിലെത്തിയപ്പോള് ബിന്സിയെയും കുഞ്ഞിനെയും മുറിയില് അബോധാവസ്ഥയില് കണ്ടെത്തുകയായിരുന്നു. ഐസ്ക്രീമില് വിഷം ചേര്ത്ത് കഴിക്കുകയായിരുന്നു. ഉടന് തന്നെ ഇവരെ സുരേഷ് പാലക്കാട് ജില്ലാ ആശുപത്രിയില് എത്തിച്ചെങ്കിലും തുടര് ചികിത്സയ്ക്കായി തൃശൂര് മെഡിക്കല് കോളജിലേക്ക് മാറ്റി. ചികിത്സയ്ക്കിടെ ഇന്ന് രാവിലെയാണ് ബിന്സി മരിച്ചത്. കുഞ്ഞ് അപകടനില തരണം ചെയ്തതായും ആരോഗ്യസ്ഥിതിയില് പുരോഗതിയുണ്ടെന്നും ഡോക്ടര്മാര് പറഞ്ഞു. പതിനൊന്ന് വര്ഷം മുന്പായിരുന്നു സുരേഷിന്റെയും ബിന്സിയുടെയും വിവാഹം. എന്തിനാണ് ജീവനൊടുക്കിയതെന്ന കാരണം വ്യക്തമല്ല. കുടുംബപ്രശ്നമാണോ ആത്മഹത്യയിലേക്ക് നയിച്ചത് എന്നതുള്പ്പടെ പൊലീസ് അന്വേഷിക്കുന്നുണ്ട്.
September 26, 2023
September 25, 2023
September 24, 2023
September 22, 2023
September 19, 2023
September 15, 2023
September 14, 2023
September 14, 2023