തിരുനെല്ലി : ജില്ലാ കുടുംബശ്രീമിഷൻ, തിരുനെല്ലി ആദിവാസി സമഗ്രവികസനപദ്ധതി, തിരുനെല്ലി സി.ഡി.എസ്. എന്നിവ ചേർന്ന് എസ്.എസ്.എൽ.സി., പ്ലസ്ടു പരീക്ഷകളിൽ ഉന്നതവിജയം കൈവരിച്ച ആദിവാസിവിദ്യാർഥികളെ ആദരിച്ചു. ‘ലക്ശ രെക്കെ’ (ലക്ഷ്യമാകുന്ന ചിറകിൽ പറക്കാം) എന്ന പേരിൽ നടത്തിയ അനുമോദനച്ചടങ്ങ് ഒ.ആർ. കേളു എം.എൽ.എ. ഉദ്ഘാടനംചെയ്തു. തിരുനെല്ലി സി.ഡി.എസ്. ചെയർപേഴ്‌സൺ പി. സൗമിനി അധ്യക്ഷയായി. സബ് കളക്ടർ ആർ. ശ്രീലക്ഷ്മി മുഖ്യപ്രഭാഷണം നടത്തി. ജില്ലാപഞ്ചായത്ത് അംഗം എ.എൻ. സുശീല, ജില്ലാ കുടുംബശ്രീ മിഷൻ കോ-ഓർഡിനേറ്റർ പി. ബാലസുബ്രഹ്മണ്യൻ, ട്രൈബൽ ഡെവലപ്മെന്റ് ഓഫീസർ സി. ഇസ്മയിൽ, ആദിവാസി സമഗ്രവികസനപദ്ധതി കോ-ഓർഡിനേറ്റർ സായ് കൃഷ്ണൻ, എ.ഡി.എം.സി. വി.കെ റെജീന, പ്രോഗ്രാം കോ-ഓർഡിനേറ്റർ സിന്ധു രവീന്ദ്രൻ തുടങ്ങിയവർ സംസാരിച്ചു.