ഇരവിപേരൂർ : റിവഞ്ചേഴ്സ് ആർട്സ് ആൻഡ് സ്പോർട്സ് ക്ലബ്ബും പരുമല സെയ്‌ന്റ് ഗ്രിഗോറിയോസ് മെഡിക്കൽ മിഷനുമായി ചേർന്ന് സൗജന്യ മെഡിക്കൽ ക്യാമ്പ് നടത്തി. പഞ്ചായത്ത് പ്രസിഡന്റ് കെ.ബി.ശശിധരൻപിള്ള ഉദ്ഘാടനം ചെയ്തു. ക്ലബ്ബ് രക്ഷാധികാരി സതീഷ് കെ.മോഹനൻ അധ്യക്ഷത വഹിച്ചു. ഇരവിപേരൂർ ഇമ്മാനുവേൽ മാർത്തോമ്മാ പള്ളി വികാരി ഫാ. ദാനിയേൽ തോമസ് അനുഗ്രഹ പ്രഭാഷണം നടത്തി. ജില്ലാ പഞ്ചായത്തംഗം ജിജി മാത്യു, ബ്ലോക്ക് പഞ്ചായത്തംഗം എൽസാ ജോബി, ഗ്രാമപ്പഞ്ചായത്തംഗം അമിതാ രാജേഷ്, മെഡിക്കൽ ക്യാമ്പ് കോ-ഓർഡിനേറ്റർ പീയൂഷ് ഏബ്രഹാം, പ്രിൻസ് ഏബ്രഹാം, പ്രസാദ് കരിക്കാട്ടിൽ, ക്ലബ്ബ് പ്രസിഡന്റ് എം.കെ.മഹേഷ്, സെക്രട്ടറി സിബി ഡേവിഡ് എന്നിവർ പ്രസംഗിച്ചു.