പട്ടിക്കാട് : കീഴാറ്റൂർ ഗ്രാമപ്പഞ്ചായത്തിലെ തച്ചിങ്ങനാടത്ത് നിർമാണം പൂർത്തിയാക്കിയ കിഴക്കേപ്പുരയ്ക്കൽ നടപ്പാത ബ്ലോക്ക് പഞ്ചായത്ത് അംഗം എൻ. മുഹമ്മദ് ഉദ്ഘാടനംചെയ്തു. കെ. പദ്മനാഭൻ അധ്യക്ഷനായി. കെ.പി. സുരേഷ്ബാബു, കെ.പി. ഭാസ്കരൻ, കെ. സലീം, കെ.പി. ബാലകൃഷ്ണൻ, സുബ്രഹ്മണ്യൻ, കെ.പി. കണ്ണൻ, കെ.പി. സഞ്ജയ്, കെ. യാസീൻ എന്നിവർ പ്രസംഗിച്ചു. പെരിന്തൽമണ്ണ ബ്ലോക്ക് പഞ്ചായത്ത് അനുവദിച്ച അഞ്ചു ലക്ഷം രൂപ  ചെലവിലാണ് നടപ്പാത നിർമിച്ചത്.