ചേരാനെല്ലൂർ : ചേരാനെല്ലൂർ ഗ്രാമ പഞ്ചായത്തിന്റെയും, കൃഷിഭവന്റെയും സംയുക്താഭിമുഖ്യത്തിൽ നടത്തുന്ന ഞാറ്റുവേല ചന്തയുടെ ഉദ്ഘാടനം ജൂലൈ 6 വ്യാഴാഴ്ച രാവിലെ 9.30 ന് ചേരാനെല്ലൂർ എൻ ബി എഫ് ഹാൾ പരിസരത്തു വെച്ച് ഗ്രാമപഞ്ചായത്ത് പ്രസിഡന്റ്‌ കെ ജി രാജേഷിന്റെ അധ്യക്ഷതയിൽ  എം എൽ എ ടി ജെ  വിനോദ് നിർവഹിക്കുന്നു.

നടീൽ വസ്തുക്കൾ, ജൈവ വളങ്ങൾ, ജീവാണു വളങ്ങൾ, കർഷകരുടെ ഉത്പന്നങ്ങൾ, കുടുംബശ്രീ, കൃഷിക്കൂട്ടങ്ങൾ എന്നിവരുടെ മൂല്യവർധിത ഉൽപ്പന്നങ്ങൾ എന്നിവയുടെ പ്രദർശനവും, വിൽപ്പനയും  ഉണ്ടായിരിക്കും. പങ്കെടുക്കുന്ന കർഷകർക്ക് തികച്ചും സൗജന്യമായി, കുരുമുളക് തൈ, പച്ചക്കറി വിത്തുകൾ എന്നിവ വിതരണം ചെയ്യുന്നതുമാണ്.