ചാത്തന്നൂർ : ചാത്തന്നൂർ എൻ. എസ്. എസ് ഹയർ സെക്കൻഡറി സ്കൂളിൽ ശാസ്ത്രോത്സവം - 2023 സംഘടിപ്പിച്ചു. വിവിധ ക്ലബ്ബുകളുടെ നേതൃത്വത്തിൽ ശാസ്ത്രം, ഗണിതശാസ്ത്രം, സാമൂഹികശാസ്ത്രം, പ്രവൃത്തിപരിചയം, ഐ. ടി മേഖലകളിൽനിന്നും നിശ്ചലമാതൃകകൾ, പ്രവർത്തന മാതൃകകൾ, വിവിധ പ്രോജക്ടുകൾ, ചാർട്ടുകൾ എന്നിവ പ്രദർശിപ്പിച്ചു. ഭക്ഷ്യമേളയും നടത്തി. ഹയർ സെക്കൻഡറി പ്രിൻസിപ്പൽ എം. രാധാകൃഷ്ണൻ നായർ ഉദ്ഘാടനംചെയ്തു. പി. ടി. എ പ്രസിഡന്റ് എ. സന്തോഷ്‌കുമാർ അധ്യക്ഷതവഹിച്ചു. പ്രഥമാധ്യാപിക ജി. ഗിരിജാകുമാരി, സ്റ്റാഫ് സെക്രട്ടറി ബി. ഭദ്രൻ പിള്ള, ശാസ്ത്രോത്സവം കൺവീനർ എസ്. പ്രമോദ്കുമാർ എന്നിവർ പ്രസംഗിച്ചു.