കർമംതോടി : കാലവർഷം കനത്തതോടെ സഹയാവുമായി കാറഡുക്ക ബ്ലോക്ക് ദ്രുതകർമ സേന രംഗത്ത്. ചൊവ്വ വൈകിട്ട്  മുള്ളേരിയ പെരിയടുക്കയിൽ കൂറ്റൻമരം ചെർക്കള ജാൽസൂർ സംസ്ഥാനപാതയിലേക്ക് കടപുഴകി വീണു. കാടകം പതിമൂന്നാംമൈലിൽ അക്കേഷ്യ മരം വൈദ്യതി പോസ്റ്റിലേക്ക് വീണു. കാറഡുക്ക ബ്ലോക്ക് പഞ്ചായത്ത് പ്രത്യേക പരിശീലനം നൽകിയ വളണ്ടിയർമാരാണ് മരം മുറിച്ചുനീക്കാനുള്ള പ്രവർത്തനങ്ങൾക്ക് നേതൃത്വം നൽകിയത്. ഗോപാലകൃഷ്ണൻ, സുനിൽ, കെ സുരേഷ് കുമാർ, രാജേഷ്, സനീഷ് എന്നിവർ സേവനം നൽകി. വനംവകുപ്പ്, അഗ്നിശമനസേന, ഡിവൈഎഫ്ഐ പ്രവർത്തകർ, നാട്ടുകാർ എന്നിവർ സഹായം നൽകി.