പെരിന്തൽമണ്ണ : രാജ്യത്തെ സ്‌കൂൾ വിദ്യാർഥികളുടെ ഉച്ചഭക്ഷണപദ്ധതി തകിടംമറിക്കുന്ന കേന്ദ്രസർക്കാർ നടപടിയിൽ പ്രതിഷേധിച്ച് കഞ്ഞിവെച്ച് എസ്. എഫ്. ഐ പെരിന്തൽമണ്ണ ഏരിയ കമ്മിറ്റി. പെരിന്തൽമണ്ണ പോസ്റ്റ് ഓഫീസിനു മുൻപിൽ നടത്തിയ പ്രതിഷേധം എസ്. എഫ്. ഐ സംസ്ഥാന കമ്മിറ്റിയംഗം എം. സജാദ് ഉദ്ഘാടനംചെയ്തു. ഏരിയ പ്രസിഡന്റ് പി. ജമീർ അധ്യക്ഷതവഹിച്ചു. ഏരിയ സെക്രട്ടറി ടി. ഗോകുൽ, വൈസ് പ്രസിഡന്റ് പി. പി മിഥുൻ കൃഷ്ണ എന്നിവർ പ്രസംഗിച്ചു.