തത്തമംഗലം : തത്തമംഗലം എൻ. എസ്. എസ് കരയോഗത്തിന്റെ വാർഷിക പൊതുയോഗവും കുടുംബസംഗമവും മുതിർന്ന അംഗം എം. സുരേന്ദ്രൻ ഉദ്ഘാടനം ചെയ്തു. കരയോഗം പ്രസിഡന്റ് ചോണാട്ട് സുന്ദരേശ്വരൻ അധ്യക്ഷനായി. സെക്രട്ടറി സത്യചന്ദ്രൻ, വൈസ് പ്രസിഡന്റ് സോമൻ, ഖജാൻജി പുത്തില്ലത്ത് ഗോപാലൻകുട്ടി, വനിതാസമാജം പ്രസിഡന്റ് ജയശ്രീ വിജയൻ, സെക്രട്ടറി വിനീത റിതീഷ്, പുത്തില്ലത്ത് ശശികല, നിത്യാനന്ദൻ മാടമ്പത്ത്, രാധാകൃഷ്ണൻ എന്നിവർ സംസാരിച്ചു. മുതിർന്ന അംഗങ്ങളെ ആദരിച്ചു. വിവിധ പരീക്ഷകളിൽ ഉന്നത വിജയം നേടിയവർക്ക് പുരസ്കാരം നൽകി. ചികിത്സ, ഭവന നിർമാണം എന്നിവയ്ക്കുള്ള ധനസഹായ വിതരണവും നടന്നു. വനിതാസമാജം കലാപരിപാടികൾ അവതരിപ്പിച്ചു.