വേങ്ങൂർ : വേങ്ങൂർ പഞ്ചായത്തിൽ ഒന്നാം വാർഡിൽ പാണംകുഴിയിൽ കാട്ടാന കൃഷി നശിപ്പിച്ചു. മലയാറ്റൂർ കല്ലിടുമ്പി വീട്ടിൽ കെ.എൻ.രാജൻ്റെയും, പാണംകുഴി കല്ലിടുംമ്പി വീട്ടിൽ കെ.കെ.അജയൻ്റെയും സ്ഥലത്തെ വാഴയും തെങ്ങ് തൈ ആണ് കാട്ടാന നശിപ്പിച്ചത്. വാഴപ്പിള്ളിക്കുടി വീട്ടിൽ വി.എം.പൗലോസിൻ്റെ വാഴയും, മതിലും തകർത്തു. നൂറോളം വാഴയും, തെങ്ങിൻ തൈകൾ എന്നിവയും നശിപ്പിച്ചു. ഒരേക്കർ സ്ഥലത്ത് കൃഷിയാണ് നടത്തുന്നത്. തൊട്ടടുത്ത് വീടുകളുമുണ്ട്. സ്ഥിരമായി ആനയിറങ്ങി കൃഷി നശിപ്പിക്കുന്നത് ഇവിടെ പതിവ് കാഴ്ച ആയി മാറിയിരിക്കുകയാണ്.